NAXÇIVAN MUXTAR RESPUBLİKASI

  BASKETBOL FEDERASİYASI

Naxçıvan Muxtar Respublikası Basketbol Federasiyasının 2017-ci ilin yekunlarına və qarşıda duran vəzifələrə həsr olunmuş iclası keçirilib. Federasiyanın ötən il ərzində  gördüyü işlər barədə danışan qurumun sədri Mahir Əliyev bildirib ki, Basketbol Federasiyasında 10 oğlan, 2 qız qrupundan ibarət olmaqla ümumilikdə 12 qrup fəaliyyət göstərir.

                Federasiya sədri Mahir Əliyev qeyd edib ki, qruplarda məşqlər aparmaq, lazımi nəticələr əldə etmək məqsədilə rayon və şəhər komandalarına məşqçi-müəllimlər təyin edilmiş, məşqçi-müəllimlər və idmançılar idman ayaqqabısı, geyimi və basketbol  topu ilə təmin edilmişlər. Həmçinin 2017-ci ildə  federasiyasiyanın  nümayəndələri şəhər  və rayonlarda  məşqçilərin  fəaliyyəti ilə mütəmadi maraqlanmış, məşqlər aparılan zallara baxmış, idmançıların tələb və təkliflərini dinləmiş, qruplar idman ləvazimatı ilə təmin edilmişlər.

Ətraflı: İlin yekunları Basketbol Federasiyasında da müzakirə olunub

     14 mart 2015 -ci il tarixdə İlham Əliyev adına Olimpiya İdman Kompleksində Naxçıvan Muxtar Respublikasi Basketbol Federasiyasının təşkilatçılığı ilə keçiriləcək kişilər arasında Muxtar Respublika Çempionatının açılış mərasimi keçirilmişdir.

   Açılış mərasimində Basketbol Federasiyasının sədri Mahir Əliyev çıxış ederek bu mühüm idman yarışı münasibəti ilə idmançıları və azarkeşləri təbrik etmiş, Basketbol idman növünün bundan sonra da inkişafı istiqamətində yeni-yeni tədbirlərin, idman yarışlarının keçiriləcəyini bildirmişdir.

     İlk turda yarışacaq olan komandalara uğur diləyən Federasiya sədri çempionata start vermişdir.

     İlk turda Naxçıvan və Babək komandaları meydana çıxmışdır.